नवनीत राणा यांनी आर्वीतील राणी पद्मावती नवदुर्गा मंडळाला दिली भेट
गरबा खेळून घेतले दुर्गा मातेचे दर्शन
अमरावतीच्या खासदार नवनीत राणा यांनी आर्वी येथील पद्मावती चौकातील राणी पद्मावती नवदुर्गा मंडळाला भेट देऊन दुर्गा उत्सवात सहभाग घेतला. या भेटीदरम्यान त्यांनी दुर्गा मातेचे दर्शन घेतले आणि गरबा खेळून उत्सवात रंग भरला.
राणी पद्मावती नवदुर्गा मंडळातर्फे दरवर्षीप्रमाणे यंदाही दुर्गा उत्सव मोठ्या उत्साहात साजरा केला जात आहे. मंडळाकडून दररोज विविध सांस्कृतिक आणि धार्मिक कार्यक्रमांचे आयोजन करण्यात येत आहे. या उत्सवाचा भाग म्हणून आयोजित गरबा पेंडॉलमध्ये नवनीत राणा यांनी सक्रिय सहभाग घेतला. त्यांनी दुर्गा मातेच्या मूर्तीसमोर प्रार्थना केली आणि गरबा नृत्यात भाग घेऊन उपस्थितांना प्रोत्साहन दिले.
मंडळाच्या पदाधिकाऱ्यांनी नवनीत राणा यांचे तिलक लावून आणि पुष्पगुच्छ देऊन हार्दिक स्वागत केले. या प्रसंगी राणा म्हणाल्या, “दुर्गा उत्सव हा शक्ती आणि एकतेचे प्रतीक आहे. अशा सणांमधून समाज एकत्र येतो आणि सकारात्मक ऊर्जा मिळते.” मंडळाचे पदाधिकारी आणि स्थानिक नागरिकांनी या भेटीचे स्वागत करून उत्सवाला अधिक उत्साह दिला.
हा उत्सव पुढील काही दिवस चालणार असून, मंडळाकडून आणखी विविध कार्यक्रमांचे आयोजन करण्यात येणार आहे. नवनीत राणा यांच्या भेटीमुळे स्थानिकांना प्रेरणा मिळाली असून, उत्सवाची रंगत वाढली आहे.
आयोजित कार्यक्रम यशस्वी करिता हर्षल चौबे ,गगन ठाकूर, टीकेश महाजन, कृष्णा चांडक, दुर्गेश महाजन, कार्तिक करोति, युवराज ठाकूर यांनी प्रयत्न केले.
